| ᠲᠦᠷᠭᠦᠳ ᠲᠦᠷᠭᠦᠳ ᠪᠤᠯ ᠲᠢᠶᠧᠯᠧ ᠶᠢᠨ ᠨᠢᠭᠡᠨ ᠰᠠᠯᠠᠭᠠ᠂ ᠠᠩᠬᠠᠨ ᠳᠠᠭᠠᠨ ᠤᠳᠤ ᠶᠢᠨ ᠶᠧᠨᠧᠰᠠᠢ ᠮᠦᠷᠡᠨ | ᠤ ᠡᠬᠢ ᠬᠠᠪᠢ ᠳᠤ ᠨᠤᠲᠤᠭᠯᠠᠵᠦ ᠪᠠᠶᠢᠭᠠᠳ ᠬᠤᠵᠢᠮ ᠨᠢ ᠡᠮᠦᠨᠡᠰᠢᠯᠡᠵᠦ ᠭᠤᠤᠴᠠᠩ ︵ᠤᠳᠤ ᠶᠢᠨ ᠰᠢᠨᠵᠢᠶᠠᠩ ᠤᠨ | ᠲᠦᠷᠫᠠᠨ︶ ᠤᠨ ᠪᠸᠢ ᠱᠠᠨ ︵ᠤᠳᠤ ᠶᠢᠨ ᠪᠤᠭᠳᠠ ᠠᠭᠤᠯᠠ︶ ᠳᠤ ᠬᠦᠷᠴᠦ ᠨᠤᠲᠤᠭᠯᠠᠵᠠᠢ᠃5 ᠳ᠋ᠤᠭᠠᠷ ᠵᠠᠭᠤᠨ ᠤ | ᠳᠤᠮᠳᠠᠴᠢ ᠪᠠᠷ ᠵᠤᠵᠸᠠ ᠨᠠᠷ ᠭᠤᠤᠴᠠᠩ ᠢ ᠡᠵᠡᠯᠡᠭᠰᠡᠨ ᠠᠴᠠ ᠪᠤᠯᠵᠤ᠂ ᠲᠦᠷᠭᠦᠳᠴᠤᠳ ᠠᠯᠳᠠᠢ ᠠᠭᠤᠯᠠᠨ ᠤ | ᠦᠯᠭᠡ ᠳᠤ ᠨᠡᠭᠦᠳᠡᠯᠯᠡᠨ ᠤᠴᠢᠭᠰᠠᠨ ᠪᠠᠶᠢᠪᠠ᠃ 552 ᠤᠨ ᠳᠤ᠂ ᠲᠦᠷᠭᠦᠳ ᠤᠨ ᠠᠬᠠᠯᠠᠭᠴᠢ ᠲᠤᠮᠠᠨ ᠵᠤᠵᠸᠠ | ᠢ ᠮᠦᠬᠦᠭᠡᠭᠡᠳ᠂ ᠭᠤᠪᠢ ᠶᠢᠨ ᠤᠮᠠᠷᠠᠲᠦ ᠪᠠᠷ ᠲᠦᠪᠯᠡᠭᠰᠡᠨ ᠲᠦᠷᠭᠦᠳ ᠬᠠᠭᠠᠨᠯᠢᠭ ᠢ ᠪᠠᠶᠢᠭᠤᠯᠵᠤ᠂ ᠲᠡᠷᠡ | ᠦᠪᠡᠷᠲᠡᠭᠡᠨ ᠢᠯᠢ ᠬᠠᠭᠠᠨ ᠬᠡᠮᠡᠵᠠᠢ᠃ ᠮᠤᠭᠠᠨ ᠬᠠᠭᠠᠨ ᠤ ᠦᠶᠡ ︵553—572︶ ᠳᠤ ᠲᠦᠷᠭᠦᠳ ᠨᠢ | ᠤᠯᠠᠮ ᠬᠦᠴᠦᠷᠭᠡᠭᠵᠢᠵᠦ᠂ ᠨᠤᠲᠤᠭ ᠤᠨ ᠬᠢᠵᠠᠭᠠᠷ ᠨᠢ ᠵᠡᠭᠦᠨᠲᠠᠢ ᠯᠢᠶᠤᠤᠾᠧ ᠭᠤᠤᠯ ᠠᠴᠠ ᠪᠠᠷᠠᠭᠤᠨᠰᠢ ᠲᠤᠳᠤᠭᠠᠲᠤ | ᠲᠠᠩᠭᠢᠰ ᠲᠤᠯᠵᠤ᠂ ᠡᠮᠦᠨᠡᠰᠢ ᠠᠮᠦ᠋ ᠮᠦᠷᠡᠨ ᠠᠴᠠ ᠤᠮᠠᠷᠠᠰᠢ ᠪᠠᠶᠢᠭᠠᠯ ᠳᠠᠯᠠᠢ ᠬᠦᠷᠦᠭᠰᠡᠨ ᠪᠠᠶᠢᠪᠠ᠃ | 585 ᠤᠨ ᠳᠤ᠂ ᠲᠦᠷᠭᠦᠳ ᠵᠡᠭᠦᠨ ᠪᠠᠷᠠᠭᠤᠨ ᠬᠤᠶᠠᠷ ᠪᠦᠯᠦᠭ ᠪᠤᠯᠵᠤ ᠰᠠᠯᠤᠭᠠᠳ᠂ ᠵᠡᠭᠦᠨ ᠲᠦᠷᠭᠦᠳ | ᠨᠢ ᠬᠢᠲᠠᠳ ᠤᠨ ᠰᠦᠢ ᠤᠯᠤᠰ ᠲᠠᠢ ᠡᠪᠰᠡᠵᠦ585 ᠤᠨ ᠳᠤ ᠱᠠᠪᠷᠠᠭ (沙钵略) ᠬᠠᠭᠠᠨ ᠤᠯᠠᠨ ᠢᠶᠠᠨ | ᠳᠠᠭᠠᠭᠤᠯᠵᠤ ᠭᠤᠪᠢ ᠶᠢᠨ ᠡᠮᠦᠨᠡ ᠤᠷᠴᠢᠮ ᠤᠴᠢᠵᠦ ᠨᠤᠲᠤᠭᠯᠠᠪᠠ᠃ ᠵᠡᠭᠦᠨ ᠲᠦᠷᠭᠦᠳ ᠨᠢ ᠰᠢᠪᠢ ᠬᠠᠭᠠᠨ ︵ | 609—619︶ ᠤ ᠦᠶᠡ ᠨᠤᠶᠠᠯᠠᠯ ᠤᠨ ᠴᠠᠭ ᠲᠤ ᠳᠠᠬᠢᠨᠲᠠ ᠬᠦᠴᠦᠷᠭᠡᠭᠵᠢᠭᠰᠡᠨ ᠮᠦᠷᠲᠡᠭᠡᠨ10 ᠲᠦᠮᠡᠨ | ᠮᠤᠷᠢᠲᠦ ᠴᠡᠷᠢᠭ ᠢᠶᠠᠷ ᠰᠦᠢ ᠶᠠᠩ ᠳ᠋ᠢ ᠬᠠᠭᠠᠨ ᠢ ᠶᠠᠨᠮᠧᠨ ᠪᠤᠭᠤᠮᠲᠠ ︵ᠤᠳᠤ ᠶᠢᠨ ᠱᠠᠨ ᠰᠢ ᠶᠢᠨ ᠳ᠋ᠠᠢ ᠰᠢᠶᠠᠨ | ᠳᠤ ᠪᠤᠢ︶ ᠳᠤ ᠪᠦᠰᠡᠯᠡᠵᠦ ᠦᠩᠭᠡᠷᠡᠵᠠᠢ᠃ 628 ᠤᠨ ᠳᠤ᠂ ᠲᠦᠷᠭᠦᠳ ᠤᠨ ᠬᠠᠷᠢᠶᠠᠲᠦ ᠰᠢᠤᠸᠠᠢ ᠶᠠᠨ ᠲᠦᠸᠧ | ︵ᠰᠢᠷᠸᠠᠷᠳᠤᠰ︶ ᠭᠤᠪᠢ ᠶᠢᠨ ᠤᠮᠠᠷᠠ ᠤᠯᠤᠰ ᠪᠠᠶᠢᠭᠤᠯᠵᠤ᠂630 ᠤᠨ ᠳᠤ ᠲᠠᠩ ᠤᠯᠤᠰ ᠲᠠᠢ ᠬᠤᠷᠰᠢᠨ | ᠵᠡᠭᠦᠨ ᠲᠦᠷᠭᠦᠳ ᠬᠠᠭᠠᠨᠯᠢᠭ ᠢ ᠮᠦᠬᠦᠭᠡᠪᠡ᠃ | 682 ᠤᠨ ᠳᠤ᠂ ᠭᠤᠪᠢ ᠶᠢᠨ ᠡᠮᠦᠨᠡ ᠪᠠᠶᠢᠭᠰᠠᠨ ᠵᠡᠭᠦᠨ ᠲᠦᠷᠭᠦᠳ ᠤᠨ ᠬᠦᠴᠦᠯᠦᠭ ᠲᠠᠩ ᠤᠯᠤᠰ | ᠠᠴᠠ ᠤᠷᠪᠠᠵᠦ ᠰᠢᠨᠡ ᠲᠦᠷᠭᠦᠳ ᠬᠠᠭᠠᠨᠯᠢᠭ ︵ᠶᠡᠷᠦ ᠳᠡᠭᠡᠨ ︽ᠳᠠᠷᠠᠭᠠᠴᠢ ᠶᠢᠨ ᠲᠦᠷᠭᠦᠳ︾ ᠭᠡᠳᠡᠭ︶ ᠢ | ᠪᠠᠶᠢᠭᠤᠯᠤᠭᠰᠠᠨ ᠪᠠᠶᠢᠨᠠ᠃ ᠬᠤᠶᠢᠲᠦ ᠲᠦᠷᠭᠦᠳ ᠨᠢ ᠭᠤᠪᠢ ᠶᠢᠨ ᠤᠮᠠᠷᠠ ᠶᠢᠨ ᠡᠳᠦᠭᠡᠨ ᠠᠭᠤᠯᠠᠨ ︵ᠤᠳᠤ ᠶᠢᠨ | ᠮᠤᠩᠭᠤᠯ ᠤᠯᠤᠰ ᠤᠨ ᠬᠠᠩᠭᠠᠢ ᠠᠭᠤᠯᠠ︶ ᠳᠤ ᠬᠠᠨ ᠤᠷᠳᠤ ᠪᠠᠶᠢᠭᠤᠯᠵᠤ᠂ ᠪᠠᠰᠠ ᠭᠤᠪᠢ ᠶᠢᠨ ᠡᠮᠦᠨᠡ ᠶᠢᠨ | ᠾᠧ ᠱᠠ ᠬᠤᠲᠠᠨ ︵ᠤᠳᠤ ᠶᠢᠨ ᠦᠪᠦᠷ ᠮᠤᠩᠭᠤᠯ ᠤᠨ ᠬᠦᠬᠡᠬᠤᠲᠠ ᠶᠢᠨ ᠤᠮᠠᠷᠠ ᠪᠠᠶᠢᠪᠠ︶ ᠳᠤ ᠡᠮᠦᠨᠡᠲᠦ ᠬᠠᠨ | ᠤᠷᠳᠤ ᠪᠠᠶᠢᠭᠤᠯᠵᠤ᠂ ᠨᠤᠶᠠᠨ ᠲᠤᠮᠢᠯᠠᠭᠰᠠᠨ ᠪᠠᠶᠢᠪᠠ᠃745 ᠤᠨ ᠳᠤ ᠲᠦᠷᠭᠦᠳ ᠬᠠᠭᠠᠨᠯᠢᠭ ᠢ ᠤᠶᠢᠭᠤᠷᠴᠤᠳ | ᠮᠦᠬᠦᠭᠡᠵᠠᠢ᠃ | ᠲᠦᠷᠭᠦᠳ ᠬᠠᠭᠠᠨᠯᠢᠭ ᠢ ᠴᠤᠭᠴᠠᠯᠠᠭᠴᠢ ᠲᠦᠮᠡᠨ ᠤ ᠳᠡᠭᠦᠦ ᠪᠤᠯᠬᠤ ᠱᠢ ᠳ᠋ᠢᠶᠠᠨ ᠮᠢ ︵ᠰᠢᠷᠳᠡᠮᠢᠰ︶562 | ᠤᠨ ᠳᠤ ᠦᠪᠡᠷ ᠢ ᠪᠠᠨ ᠬᠠᠭᠠᠨ ᠡᠷᠭᠦᠵᠦ᠂ ︽ᠠᠷᠪᠠᠨ ᠤᠪᠤᠭᠲᠠᠨ ᠠᠶᠢᠮᠠᠭ︾ ᠬᠡᠮᠡᠨ ᠠᠯᠳᠠᠷᠰᠢᠵᠦ᠂ ᠤᠳᠤ ᠶᠢᠨ | ᠰᠢᠨᠵᠢᠶᠠᠩ ᠤᠷᠴᠢᠮ ᠳᠤ ᠪᠠᠷᠠᠭᠤᠨ ᠲᠦᠷᠭᠦᠳ ᠬᠠᠭᠠᠨᠯᠢᠭ ᠢ ᠪᠠᠶᠢᠭᠤᠯᠵᠠᠢ᠃ 7 ᠳ᠋ᠤᠭᠠᠷ ᠵᠠᠭᠤᠨ ᠤ ᠡᠬᠢᠨ ᠢᠶᠠᠷ | ᠪᠠᠷᠠᠭᠤᠨ ᠲᠦᠷᠭᠦᠳ ᠬᠠᠭᠠᠨᠯᠢᠭ ᠳᠤᠮᠳᠠᠳᠤ ᠠᠽᠢᠶᠡ᠂ ᠪᠠᠷᠠᠭᠤᠨ ᠬᠢᠵᠠᠭᠠᠷ ᠤᠷᠤᠨ ᠤ ᠠᠭᠤᠳᠠᠮ ᠭᠠᠵᠠᠷ ᠤᠳ ᠢ | ᠡᠵᠡᠮᠰᠢᠯ ᠳᠡᠭᠡᠨ ᠤᠷᠤᠭᠤᠯᠵᠠᠢ᠃ 640 —648 ᠤᠨ ᠤ ᠬᠤᠭᠤᠷᠤᠨᠳᠤ ᠲᠠᠩ ᠤᠯᠤᠰ ᠲᠦᠷᠭᠦᠳ ᠲᠠᠢ | ᠳᠠᠶᠢᠳᠤᠨ ᠲᠡᠭᠷᠢ ᠠᠭᠤᠯᠠ ᠢ ᠠᠷᠤ ᠤᠷᠤᠨ ᠢ ᠡᠵᠡᠯᠡᠭᠡᠳ ᠺᠦᠴᠠ ︵ᠤᠳᠤ ᠶᠢᠨ ᠰᠢᠨᠵᠢᠶᠠᠩ ᠤᠨ ᠺᠦᠴᠧ ᠰᠢᠶᠠᠨ︶ | ᠵᠡᠷᠭᠡ ᠴᠡᠷᠢᠭ ᠤᠨ ᠰᠠᠭᠤᠷᠢᠨ ᠨᠤᠭᠤᠳ ᠢ ᠪᠠᠶᠢᠭᠤᠯᠪᠠ᠃ 651 ᠤᠨ ᠳᠤ ᠪᠠᠷᠠᠭᠤᠨ ᠲᠦᠷᠭᠦᠳ ᠤᠨ ᠱᠠ | ᠪᠥᠸᠧ ᠯᠥᠸᠧ ︵ᠱᠠᠪᠠᠷᠠᠭ︶ ᠬᠠᠭᠠᠨ ᠲᠠᠩ ᠤᠯᠤᠰ ᠠᠴᠠ ᠤᠷᠪᠠᠵᠤ᠂ ᠪᠠᠷᠠᠭᠤᠨ ᠬᠢᠵᠠᠭᠠᠷ ᠤᠷᠤᠨ ᠢ ᠤᠤᠯᠭᠠᠯᠠᠨ | ᠳᠤᠪᠲᠤᠯᠤᠭᠰᠠᠨ ᠠᠴᠠ ᠲᠠᠩ ᠤᠯᠤᠰ 651—657 ᠤᠨ ᠳᠤ ᠤᠳᠠᠭᠠ ᠳᠠᠷᠠᠭᠠᠯᠠᠨ ᠴᠡᠷᠢᠭ ᠬᠦᠳᠡᠯᠭᠡᠵᠦ᠂ | ᠡᠴᠦᠰ ᠲᠡᠭᠡᠨ657 ᠤᠨ ᠳᠤ ᠪᠠᠷᠠᠭᠤᠨ ᠲᠦᠷᠭᠦᠳ ᠬᠠᠭᠠᠨᠯᠢᠭ ᠢ ᠮᠦᠬᠦᠭᠡᠵᠠᠢ᠃ | | ᠨᠠᠶᠢᠷᠠᠭᠤᠯᠤᠭᠴᠢ᠄ ᠡᠷᠳᠡᠨᠢᠴᠤᠭᠲᠦ | ᠬᠢᠨᠠᠭᠴᠢ᠄ ᠭᠡᠷᠡᠯᠲᠦ | | |