| ︽ᠤᠯᠠᠭᠠᠨᠴᠠᠪ ᠴᠢᠭᠤᠯᠭᠠᠨ︾ ᠤ ᠨᠡᠷᠡ ᠶᠢᠨ ᠢᠷᠡᠯᠳᠡ ᠨᠢ ᠮᠠᠨ ᠤ ᠲᠦᠷᠪᠡᠳ ᠨᠤᠳᠤᠭ ᠤᠨ ᠨᠢᠬᠡ ᠭᠤᠤᠯ ᠤᠨ | ᠨᠡᠷ ᠡ ᠠᠴᠠ ᠤᠯᠠᠷᠢᠵᠦ ᠢᠷᠡᠭᠰᠡᠨ ᠶᠤᠮ ᠪᠠᠶᠢᠨᠠ᠃ | ᠲᠡᠭᠡᠳᠤ ᠡᠷᠳᠡᠮᠳᠤ ᠶᠢᠨ ᠠᠩᠬᠠᠨ ᠤ ᠤᠨ ︵1636 ᠤᠨ︶ ᠳᠤ ᠬᠤᠶᠢᠳᠤ ᠠᠯᠳᠠᠨ ᠤᠯᠤᠰ ᠤᠨ ᠬᠤᠩ | ᠲᠠᠶᠢᠵᠢ ᠬᠠᠭᠠᠨ ᠰᠠᠭᠤᠷᠢᠨ ᠳᠤ ᠭᠠᠷᠴᠤ᠂ ᠤᠯᠤᠰ ᠤᠨ ᠴᠤᠯᠠ ᠪᠠᠨ ᠴᠢᠩ ᠭᠡᠵᠦ ᠲᠤᠭᠳᠠᠵᠠᠢ᠃ ᠤᠤᠯ ᠤᠨ | ᠬᠦᠯᠦᠨ ᠪᠤᠶᠢᠷ ᠤᠨ ᠲᠠᠯᠠ ᠨᠤᠳᠤᠭ ᠢᠶᠠᠷ ᠨᠡᠬᠦᠳᠡᠯᠯᠡᠨ ᠮᠠᠯᠵᠢᠵᠦ ᠪᠠᠶᠢᠭᠰᠠᠨ ᠲᠦᠷᠪᠡᠨ ᠭᠡᠤᠭᠡᠳ ᠤᠨ ᠠᠶᠢᠮᠠᠭ ᠢ | ᠵᠠᠰᠠᠭ ᠬᠤᠰᠢᠭᠤ ᠪᠤᠯᠭᠠᠵᠦ᠂ ᠡᠶᠡᠪᠡᠷ ᠵᠠᠰᠠᠭᠴᠢ ᠶᠢᠨ ᠵᠢᠷᠭᠤᠳᠤᠭᠠᠷ ᠤᠨ ︵1649 ᠤᠨ︶ ᠳᠤ ᠲᠠᠯᠠᠨ ᠬᠠᠷ | ᠠ ᠶᠢᠨ ᠠᠷᠦ ᠳᠠᠬᠢ ᠰᠢᠷᠠᠮᠦ᠋ᠷᠡᠨ ᠭᠤᠤᠯ ᠤᠨ ᠤᠷᠤᠰᠬᠠᠯ ᠲᠠᠭᠠᠤ ᠤᠷᠤᠨ ᠪᠤᠯᠤᠨ ᠴᠠᠭᠠᠨ ᠨᠠᠭᠤᠷ ᠤᠨ ᠤᠢᠢᠷ ᠠ | ᠤᠷᠴᠢᠮ ᠤᠨ ᠨᠤᠳᠤᠭ ᠪᠡᠯᠴᠢᠬᠡᠷ ᠢ ᠬᠤᠪᠢᠳᠠᠭᠤᠯᠤᠨ ᠦᠭᠴᠡᠢ᠃ ᠴᠠᠬᠢᠭᠤᠷᠳᠤ ᠶᠢᠨ ᠨᠠᠷᠢᠨ ᠭᠤᠤᠯ ᠤᠷᠴᠢᠮ | ᠨᠡᠬᠦᠳᠡᠯᠯᠡᠨ ᠮᠠᠯᠵᠢᠵᠦ ᠪᠠᠶᠢᠭᠰᠠᠨ ᠮᠤᠤᠮᠢᠩᠭᠠᠨ ᠠᠶᠢᠮᠠᠭ ᠤᠨ ᠠᠬᠠᠯᠠᠭᠴᠢ ᠰᠡᠩᠭᠡ ᠳᠤ ᠡᠩᠭᠡ ᠠᠮᠤᠭᠤᠯᠠᠩ ᠤᠨ | ᠭᠤᠷᠪᠠᠳᠤᠭᠠᠷ ᠤᠨ ︵1664 ᠤᠨ︶ ᠳᠤ ᠴᠢᠩ ᠤᠨ ᠲᠦᠷᠦ ᠠᠴᠠ ᠵᠠᠰᠠᠭ ᠤᠨ ᠲᠡᠷᠢᠬᠦᠨ ᠲᠠᠶᠢᠵᠢ ᠶᠢᠨ ᠵᠡᠷᠭᠡ | ᠬᠠᠶᠢᠷᠠᠯᠠᠵᠦ᠂ ᠲᠦᠪ ᠨᠠᠶᠢᠷᠠᠯᠳᠤ ᠶᠢᠨ ᠠᠷᠪᠠᠨ ᠭᠤᠷᠪᠠᠳᠤᠭᠠᠷ ᠤᠨ ᠳᠤ ᠲᠠᠯᠠᠨ ᠬᠠᠷ ᠠ ᠠᠭᠤᠯᠠ ᠶᠢᠨ ᠠᠷᠦ ᠳᠠᠬᠢ | ᠠᠶᠢᠪᠠᠭᠠ ᠭᠤᠤᠯ ᠤᠨ ᠡᠬᠢᠨ ᠤ ᠤᠷᠤᠰᠬᠠᠯ ᠲᠠᠭᠠᠤ ᠨᠤᠳᠤᠭ ᠪᠡᠯᠴᠢᠬᠡᠷ ᠢ ᠬᠤᠪᠢᠳᠠᠨ ᠦᠭᠴᠡᠢ᠃ ᠡᠶᠡᠪᠡᠷ | ᠵᠠᠰᠠᠭᠴᠢ ᠶᠢᠨ ᠠᠷᠪᠠᠳᠤᠭᠠᠷ ᠤᠨ ︵1653 ᠤᠨ︶ ᠳᠤ ᠤᠤᠯ ᠤᠨ ᠬᠠᠯᠬ ᠠ ᠭᠤᠤᠯ ᠤᠨ ᠤᠷᠤᠰᠬᠠᠯ ᠲᠠᠭᠠᠤ | ᠨᠡᠬᠦᠳᠡᠯᠯᠡᠨ ᠮᠠᠯᠵᠢᠵᠦ ᠪᠠᠶᠢᠭᠰᠠᠨ ᠬᠠᠯᠬ ᠠ ᠪᠠᠷᠠᠭᠤᠨ ᠭᠠᠷᠤᠨ ᠠᠶᠢᠮᠠᠭ ᠤᠨ ᠠᠬᠠᠯᠠᠭᠴᠢ ᠪᠤᠮᠳᠠᠷ ᠢ ᠵᠠᠰᠠᠭ | ᠬᠤᠰᠢᠭᠤᠨ ᠤ ᠲᠠᠷᠬᠠᠨ ᠴᠢᠨ ᠸᠠᠩ ᠡᠷᠬᠦᠮᠵᠢᠯᠡᠵᠦ᠂ ᠲᠠᠯᠠᠨ ᠬᠠᠷ ᠠ ᠠᠭᠤᠯᠠ ᠶᠢᠨ ᠠᠷᠦ ᠳᠠᠬᠢ ᠠᠶᠢᠪᠠᠭᠠ ᠭᠤᠤᠯ | ᠪᠤᠯᠤᠨ ᠲᠠᠷᠭᠤᠨ ᠭᠤᠤᠯ ᠤᠨ ᠤᠷᠤᠰᠬᠠᠯ ᠲᠠᠭᠠᠤ ᠭᠠᠵᠠᠷ ᠢ ᠬᠤᠪᠢᠳᠠᠨ ᠦᠭᠪᠡ᠃ ᠡᠶᠡᠪᠡᠷ ᠵᠠᠰᠠᠭᠴᠢ ᠶᠢᠨ | ᠲᠠᠪᠤᠳᠤᠭᠠᠷ ᠤᠨ ︵1648 ᠤᠨ︶ ᠳᠤ ᠤᠤᠯ ᠤᠨ ᠬᠦᠯᠦᠨ ᠪᠤᠶᠢᠷ ᠤᠨ ᠡᠷᠬᠦᠨᠡ ᠭᠤᠤᠯ ᠪᠤᠯᠤᠨ ᠰᠡᠯᠡᠩᠭᠡ | ᠭᠤᠤᠯ ᠤᠨ ᠬᠤᠭᠤᠷᠤᠨᠳᠤ ᠨᠡᠬᠦᠳᠡᠯᠯᠡᠨ ᠮᠠᠯᠵᠢᠵᠦ ᠪᠠᠶᠢᠭᠰᠠᠨ ᠤᠷᠠᠳ ᠠᠶᠢᠮᠠᠭ ᠢ ᠡᠮᠦᠨᠡᠳᠦ᠂ ᠲᠤᠮᠳᠠᠳᠤ᠂ ᠬᠤᠶᠢᠳᠤ | ᠭᠤᠷᠪᠠᠨ ᠬᠤᠰᠢᠭᠤ ᠪᠤᠯᠭᠠᠨ ᠬᠤᠪᠢᠶᠠᠵᠦ᠂ ᠤᠯᠤᠰ ᠤᠨ ᠲᠦᠰᠢᠶ ᠡ ᠬᠦᠩ ᠡᠷᠬᠦᠮᠵᠢᠯᠡᠨ᠂ ᠭᠤᠷᠪᠠᠨ ᠬᠦᠩ ᠤᠨ | ᠬᠤᠰᠢᠭᠤ ᠬᠡᠮᠡᠨ ᠲᠠᠭᠤᠳᠠᠵᠦ᠂ ᠲᠠᠷᠠᠭᠠ ᠵᠢᠯ ᠨᠢ ᠬᠠᠳᠤᠨ ᠭᠤᠤᠯ᠂ ᠮᠤᠨᠢ ᠠᠭᠤᠯᠠ᠂ ᠠᠷᠪᠠᠰ ᠠᠭᠤᠯᠠ ᠶᠢᠨ | ᠤᠷᠴᠢᠮ ᠤᠨ ᠨᠤᠳᠤᠭ ᠪᠡᠯᠴᠢᠬᠡᠷ ᠢ ᠬᠤᠪᠢᠳᠠᠨ ᠦᠭᠴᠡᠢ᠃ ᠬᠤᠵᠢᠮ ᠨᠢ ᠤᠯᠤᠰ ᠲᠦᠷᠦ ᠶᠢᠨ ᠰᠠᠯᠭᠠᠨ ᠵᠠᠬᠢᠷᠬᠤ | ᠵᠤᠷᠢᠯᠭᠠ ᠠᠴᠠ ᠪᠠᠨ ᠪᠤᠯᠵᠦ ᠲᠡᠭᠡᠷ ᠡ ᠲᠤᠷᠠᠳᠤᠭᠰᠠᠨ ᠵᠢᠷᠭᠤᠭᠠᠨ ᠵᠠᠰᠠᠭ ᠬᠤᠰᠢᠭᠤ ᠶᠢ ᠨᠢᠬᠡ ᠴᠢᠭᠤᠯᠭᠠᠨ ᠪᠤᠯᠭᠠᠵᠦ | ︽ᠤᠯᠠᠭᠠᠨᠴᠠᠪ ᠴᠢᠭᠤᠯᠭᠠᠨ︾ ᠭᠡᠵᠦ ᠨᠡᠷᠡᠶᠢᠳᠴᠡᠢ᠃ | ︽ᠮᠤᠩᠭᠤᠯ ᠤᠨ ᠨᠡᠪᠳᠡᠷᠬᠡᠢ ᠲᠡᠤᠭᠡ︾ ᠶᠢᠨ ᠲᠡᠮᠳᠡᠭᠯᠡᠯ ᠳᠤ᠄ ︽ᠡᠩᠭᠡ ᠠᠮᠤᠭᠤᠯᠠᠩ ᠤᠨ ᠶᠢᠰᠦᠳᠦᠭᠡᠷ | ᠤᠨ ᠳᠤ ᠦᠪᠦᠷ ᠮᠤᠩᠭᠤᠯ ᠤᠨ ᠵᠠᠰᠠᠭ ᠬᠤᠰᠢᠭᠤ ᠨᠡᠮᠡᠭᠳᠡᠭᠡᠳ ᠨᠡᠶᠢᠳᠡ ᠲᠦᠴᠢ ᠶᠢᠰᠦ ᠪᠤᠯᠵᠦ᠂ ᠵᠢᠷᠭᠤᠭᠠᠨ | ᠴᠢᠭᠤᠯᠭᠠᠨ ᠬᠤᠪᠢᠶᠠᠪᠠᠢ᠃ ᠲᠦᠷᠪᠡᠨ ᠭᠡᠤᠭᠡᠳ ᠤᠨ ᠠᠶᠢᠮᠠᠭ ᠤᠨ ᠬᠤᠰᠢᠭᠤ᠂ ᠮᠤᠤᠮᠢᠩᠭᠠᠨ ᠬᠤᠰᠢᠭᠤ᠂ ᠬᠠᠯᠬ ᠠ | ᠪᠠᠷᠠᠭᠤᠨ ᠭᠠᠷᠤᠨ ᠬᠤᠰᠢᠭᠤ᠂ ᠤᠷᠠᠳ ᠤᠨ ᠭᠤᠷᠪᠠᠨ ᠬᠦᠩ ᠤᠨ ᠬᠤᠰᠢᠭᠤ ᠨᠡᠶᠢᠳᠡ ᠵᠢᠷᠭᠤᠭᠠᠨ ᠵᠠᠰᠠᠭ ᠬᠤᠰᠢᠭᠤ | ᠲᠦᠷᠪᠡᠨ ᠭᠡᠤᠭᠡᠳ ᠤᠨ ᠠᠶᠢᠮᠠᠭ ᠤᠨ ᠬᠤᠰᠢᠭᠤᠨ ᠤ ᠬᠠᠷᠢᠶᠠᠨ ᠳᠠᠬᠢ ᠤᠯᠠᠭᠠᠨᠴᠠᠪ ᠲᠤ ᠴᠢᠭᠤᠯᠭᠠᠨ ᠪᠤᠯᠵᠦ᠂ | ᠤᠯᠠᠭᠠᠨᠴᠠᠪ ᠴᠢᠭᠤᠯᠭᠠᠨ ᠭᠡᠵᠦ ᠨᠡᠷᠡᠶᠢᠳᠪᠡ︾ ᠬᠡᠵᠡᠢ᠃ | ᠤᠯᠠᠭᠠᠨᠴᠠᠪ ᠭᠡᠳᠡᠭ ᠭᠠᠵᠠᠷ ᠤᠨ ᠲᠤᠬᠠᠢ ︽ᠬᠠᠮᠳᠤᠳᠬᠠᠨ ᠲᠡᠮᠳᠡᠭᠯᠡᠭᠰᠡᠨ ᠪᠢᠴᠢᠭ︾ ᠤᠨ ᠲᠡᠮᠳᠡᠭᠯᠡᠯ ᠳᠤ᠄ ︽ | ᠤᠯᠠᠭᠠᠨᠴᠠᠪ ᠨᠢ ᠬᠦᠬᠡᠬᠤᠳᠠ ᠠᠴᠠ ᠬᠤᠶᠢᠰᠢ ᠶᠠᠭ ᠵᠠᠭᠤ ᠬᠤᠷᠢᠨ ᠭᠠᠵᠠᠷ ᠤᠨ ᠵᠠᠶᠢᠳᠠᠢ︾ ᠬᠡᠵᠡᠢ᠃ ︽ᠰᠦᠢ | ᠶᠤᠸᠠᠨ ᠤ ᠨᠡᠪᠳᠡᠷᠬᠡᠢ ᠲᠡᠤᠭᠡ ᠶᠢᠨ ᠡᠭᠡ ᠨᠤᠤᠷᠠᠭ︾ ᠲᠤ᠄ ︽ᠲᠦᠷᠪᠡᠨ ᠭᠡᠤᠭᠡᠳ ᠤᠨ ᠠᠶᠢᠮᠠᠭ ᠤᠨ ᠬᠤᠰᠢᠭᠤ᠂ | ᠮᠤᠤᠮᠢᠩᠭᠠᠨ ᠬᠤᠰᠢᠭᠤ᠂ ᠬᠠᠯᠬ ᠠ ᠪᠠᠷᠠᠭᠤᠨ ᠭᠠᠷᠤᠨ ᠬᠤᠰᠢᠭᠤ᠂ ᠤᠷᠠᠳ ᠤᠨ ᠭᠤᠷᠪᠠᠨ ᠬᠦᠩ ᠤᠨ ᠬᠤᠰᠢᠭᠤ | ᠵᠡᠷᠭᠡ ᠵᠢᠷᠭᠤᠭᠠᠨ ᠬᠤᠰᠢᠭᠤ ᠨᠢ ᠨᠢᠬᠡ ᠴᠢᠭᠤᠯᠭᠠᠨ ᠪᠤᠯᠵᠦ᠂ ᠴᠢᠩ ᠤᠨ ᠲᠦᠷᠦ ᠠᠴᠠ ᠲᠤᠭᠳᠠᠭᠠᠵᠦ ᠦᠭᠬᠦᠭᠰᠡᠨ | ᠤᠯᠠᠭᠠᠨᠴᠠᠪ ᠭᠡᠳᠡᠭ ᠢᠶᠠᠷ ᠴᠢᠭᠤᠯᠭᠠᠨ ᠤ ᠭᠠᠵᠠᠷ ᠢᠶᠠᠨ ᠪᠤᠯᠭᠠᠵᠠᠢ᠃ ᠲᠤᠰ ᠭᠠᠵᠠᠷ ᠨᠢ ᠨᠢᠬᠡ ᠭᠤᠤᠯ ᠲᠠᠢ᠂ | ᠭᠤᠤᠯ ᠤᠨ ᠨᠡᠷ ᠡ ᠨᠢ ᠤᠯᠠᠭᠠᠨᠴᠠᠪ ᠭᠤᠤᠯ ᠭᠡᠳᠡᠭ᠃ ᠡᠶᠢᠮᠦ ᠠᠴᠠ ᠭᠤᠤᠯ ᠤᠨ ᠨᠡᠷ ᠡ ᠪᠠᠷ ᠭᠠᠵᠠᠷ ᠤᠨ ᠨᠡᠷ ᠡ | ᠪᠤᠯᠭᠠᠵᠦ᠂ ᠭᠠᠵᠠᠷ ᠤᠨ ᠢᠶᠠᠨ ᠨᠡᠷ ᠡ ᠪᠠᠷ ᠴᠢᠭᠤᠯᠭᠠᠨ ᠤ ᠪᠠᠨ ᠨᠡᠷ ᠡ ᠪᠤᠯᠭᠠᠵᠠᠢ︾ ᠭᠡᠵᠦ ᠲᠡᠮᠳᠡᠭᠯᠡᠵᠦ ᠪᠤᠢ᠃ | ᠡᠳᠡᠭᠡᠷ ᠲᠡᠤᠭᠡᠨ ᠲᠡᠮᠳᠡᠭᠯᠡᠯ ᠢ ᠦᠨᠳᠦᠰᠦᠯᠡᠪᠡᠯ ︽ᠤᠯᠠᠭᠠᠨᠴᠠᠪ ᠭᠤᠤᠯ︾ ᠨᠢ ᠤᠳᠤ ᠶᠢᠨ ᠮᠠᠨ ᠤ ᠲᠦᠷᠪᠡᠳ | ᠬᠤᠰᠢᠭᠤᠨ ᠤ ᠳ᠋ᠦᠩ ᠪᠠ ᠬᠤᠤ ᠰᠢᠶᠠᠩ ᠤᠨ ᠪᠠᠶᠠᠬᠤᠪᠤᠭᠠ ᠭᠠᠴᠠᠭᠠᠨ ᠤ ᠪᠠᠶᠠᠬᠤᠪᠤᠭᠠ ᠲᠤᠰᠬᠤᠨ ᠤ | ᠪᠠᠶᠠᠬᠤᠪᠤᠭᠠ ᠭᠤᠤᠯ ᠢ ᠵᠢᠭᠠᠵᠦ ᠪᠠᠶᠢᠭᠠ ᠶᠤᠮ ᠪᠠᠶᠢᠨᠠ᠃ ᠪᠠᠶᠠᠬᠤᠪᠤᠭᠠ ᠲᠤᠰᠬᠤᠨ ᠤ ᠲᠠᠯᠠ ᠭᠠᠷᠤᠭᠰᠠᠨ | ᠨᠠᠰᠤᠳᠠᠨ ᠶᠠᠨ ᠵᠠᠨ ᠴᠧᠩ᠂ ᠵᠠᠩ ᠰᠢᠨ ᠸᠠᠨ ᠬᠤᠶᠠᠷ ᠤᠨ ᠶᠠᠷᠢᠬᠤ ᠪᠠᠷ ᠡᠨᠡ ᠲᠤᠰᠬᠤᠨ ᠪᠠᠶᠢᠭᠤᠯᠤᠭᠳᠠᠭᠠᠳ | ᠨᠢᠬᠡᠨᠳᠡ 140 — 150 ᠵᠢᠯ ᠤᠨ ᠲᠡᠤᠭᠡ ᠲᠠᠢ ᠪᠤᠯᠵᠠᠢ᠃ ᠤᠤᠯ ᠨᠢ ᠮᠤᠩᠭᠤᠯ ᠬᠦᠮᠦᠨ ᠤ ᠨᠤᠳᠤᠭ | ᠪᠠᠶᠢᠭᠰᠠᠨ ᠶᠤᠮ᠃ ᠡᠷᠳᠡᠨ ᠳᠡᠭᠡᠨ ᠴᠧᠩ ᠪᠠ ᡁᠢ ᠪᠤᠶᠤ ᠴᠢᠭᠤᠯᠭᠠᠨ ᠪᠠᠶᠠᠬᠤᠪᠤᠭᠠ ᠭᠡᠵᠦ ᠲᠠᠭᠤᠳᠠᠳᠠᠭ ᠪᠠᠶᠢᠭᠰᠠᠨ | ᠃ ᠲᠤᠰᠬᠤᠨ ᠤ ᠡᠮᠦᠨᠡᠬᠢ ᠨᠢᠬᠡ ᠭᠤᠤᠯ ᠢ ᠪᠠᠭᠠ ᠭᠤᠤᠯ ᠪᠤᠶᠤ ᠤᠯᠭᠠᠨᠴᠠᠪ ᠭᠤᠤᠯ ᠭᠡᠵᠦ ᠨᠡᠷᠡᠯᠡᠳᠡᠭ ᠪᠠᠶᠢᠭᠰᠠᠨ᠃ | ᠤᠤᠯ ᠨᠢ ᠲᠤᠰᠬᠤᠨ ᠠᠴᠠ ᠵᠡᠬᠦᠨᠰᠢ ᠬᠤᠶᠠᠷ ᠭᠠᠵᠠᠷ ᠤᠨ ᠦᠵᠦᠬᠦᠷ ᠲᠤ ᠲᠦᠷᠪᠡᠭᠡᠨ ᠠᠶᠢᠯ ᠰᠠᠭᠤᠳᠠᠭ᠃ ︽ᠲᠠ | ᠳ᠋ᠢ ᠲᠤᠰᠬᠤᠨ︾ ᠭᠡᠵᠦ ᠨᠡᠷᠡᠯᠡᠳᠡᠭ ᠪᠠᠶᠢᠭᠰᠠᠨ᠃ ᠦᠨᠡᠭᠡᠷᠡᠨ ᠲᠤᠰᠬᠤᠨ ᠠᠴᠠ ᠬᠤᠶᠢᠰᠢ ᠨᠢᠬᠡ ᠭᠠᠵᠠᠷ ᠤᠨ | ᠦᠵᠦᠬᠦᠷ ᠲᠤ ᠨᠢᠬᠡ ᠲᠡᠮᠦᠷ ᠰᠤᠪᠤᠷᠭᠠ ᠪᠠᠶᠢᠭᠰᠠᠨ ᠶᠤᠮ᠃ ᠰᠤᠨᠤᠰᠤᠯᠳᠠ ᠪᠠᠷ ᠤᠯᠠᠭᠠᠨᠴᠠᠪ ᠴᠢᠭᠤᠯᠭᠠᠨ ᠬᠠᠮᠤᠭ | ᠠᠩᠬ ᠠ ᠴᠢᠭᠤᠯᠭᠠᠨ ᠬᠢᠬᠦ ᠳᠡᠭᠡᠨ ᠲᠤᠷᠠᠰᠬᠠᠵᠦ ᠪᠤᠰᠬᠠᠭᠰᠠᠨ ᠭᠡᠳᠡᠭ᠃ 1952 ᠤᠨ ᠳᠤ ᠭᠠᠵᠠᠷ ᠰᠢᠷᠤᠢ ᠶᠢᠨ | ᠦᠬᠡᠷᠡᠴᠢᠯᠡᠯᠳᠡ ᠬᠢᠵᠦ᠂ ᠶᠠᠳᠠᠭᠤ ᠲᠠᠷᠢᠶᠠᠴᠢᠨ ᠤ ᠬᠤᠷᠠᠯ ᠠᠴᠠ ᠲᠤᠰ ᠰᠤᠪᠤᠷᠭᠠ ᠶᠢ ᠪᠠᠭᠤᠯᠭᠠᠵᠦ ᠲᠠᠷᠢᠶᠠᠯᠠᠩ ᠤᠨ | ᠪᠠᠭᠠᠵᠢ ᠦᠢᠯᠡᠳᠦᠭᠰᠡᠨ ᠬᠡᠨᠡ᠃ | ᠪᠠᠶᠠᠬᠤᠪᠤᠭᠠ ᠲᠤᠰᠬᠤᠨ ᠨᠢ ᠦᠨᠡᠭᠡᠷᠡᠨ ᠬᠦᠬᠡᠬᠤᠳᠠ ᠠᠴᠠ ᠶᠠᠭ ᠰᠠᠶᠢᠬᠠᠨ ᠵᠠᠭᠤ ᠬᠤᠷᠢᠨ ᠭᠠᠵᠠᠷ ᠵᠠᠶᠢᠳᠠᠢ᠃ | ᠡᠨᠡ ᠨᠢ ᠶᠠᠭ ᠲᠡᠤᠭᠡᠨ ᠲᠡᠮᠳᠡᠭᠯᠡᠯ ᠲᠠᠢ ᠨᠡᠶᠢᠴᠡᠵᠦ ᠪᠠᠶᠢᠭᠠ ᠤᠴᠢᠷ ᠤᠳᠤ ᠶᠢᠨ ᠪᠠᠶᠠᠬᠤᠪᠤᠭᠠ ᠲᠤᠰᠬᠤᠨ ᠤ | ᠪᠠᠶᠠᠬᠤᠪᠤᠭᠠ ᠭᠤᠤᠯ ᠪᠤᠯ ᠤᠯᠠᠭᠠᠨᠴᠠᠪ ᠭᠤᠤᠯ ᠮᠦᠨ ᠶᠤᠮ ᠪᠠᠶᠢᠨᠠ᠃ ᠲᠤᠰᠬᠤᠨ ᠤ ᠵᠡᠬᠦᠨ ᠬᠤᠶᠢᠳᠤ ᠲᠠᠯ ᠠ ᠳᠤ | ᠦᠬᠡᠬᠦᠳᠦ ᠭᠡᠳᠡᠭ ᠭᠠᠵᠠᠷ ᠪᠠᠶᠢᠨᠠ᠃ ᠨᠢᠬᠡ ᠪᠢᠴᠢᠬᠠᠨ ᠨᠢᠷᠤᠭᠤᠨ ᠲᠤᠮᠳᠠ ᠬᠢᠷᠢ ᠳᠤ ᠬᠤᠨᠢᠨ ᠴᠢᠨᠡᠭᠡᠨ ᠬᠤᠶᠠᠷ | ᠴᠠᠭᠠᠨ ᠴᠢᠯᠠᠭᠤ ᠪᠠᠶᠢᠨᠠ᠃ ᠡᠨᠡ ᠬᠤᠶᠠᠷ ᠴᠠᠭᠠᠨ ᠴᠢᠯᠠᠭᠤ ᠪᠠᠨ ᠤᠷᠢᠳᠤ ᠶᠢᠨ ᠲᠦᠷᠪᠡᠳ ᠮᠤᠩᠭᠤᠯᠴᠤᠳ | ᠦᠬᠡᠬᠦᠳᠦ ᠭᠡᠳᠡᠭ ᠪᠠᠶᠢᠵᠠᠢ᠃ ᠦᠬᠦᠬᠡᠳᠦ ᠶᠢᠨ ᠨᠢᠷᠤᠭᠤ ᠶᠢ ᠲᠠᠪᠠᠪᠠᠯ ᠶᠠᠭ ᠵᠡᠬᠦᠨ ᠬᠤᠶᠢᠳᠤ ᠲᠠᠯ ᠠ ᠳᠤᠨᠢ ᠪᠠᠷᠤᠭ | ᠬᠤᠶᠠᠷ ᠭᠤᠷᠪᠠᠨ ᠭᠠᠵᠠᠷ ᠤᠨ ᠦᠵᠦᠬᠦᠷ ᠲᠤ ᠨᠢᠬᠡ ᠦᠨᠳᠤᠷ ᠬᠠᠷ ᠠ ᠲᠤᠯᠤᠭᠠᠢ ᠬᠠᠷᠠᠭᠳᠠᠨᠠ᠃ ᠡᠨᠡ ᠦᠨᠳᠤᠷ | ᠬᠠᠷ ᠠ ᠲᠤᠯᠤᠭᠠᠢ ᠶᠢᠨ ᠵᠡᠬᠦᠨ ᠪᠠᠷᠠᠭᠤᠨ ᠬᠤᠶᠠᠷ ᠲᠠᠯ ᠠ ᠳᠤᠨᠢ ᠲᠤᠰ ᠲᠤᠰ ᠪᠠᠶᠢᠭᠠᠯᠢ ᠠᠴᠠ ᠪᠦᠳᠦᠭᠰᠡᠨ ᠨᠠᠮᠬᠠᠨ | ᠨᠢᠷᠤᠭᠤ ᠲᠠᠢ᠂ ᠶᠠᠭ ᠯᠡ ᠨᠢᠬᠡ ᠬᠦᠮᠦᠨ ᠲᠤᠯᠤᠭᠠᠢ ᠪᠠᠨ ᠭᠠᠷᠭᠠᠴᠢᠬᠠᠭᠠᠳ ᠬᠤᠶᠠᠷ ᠭᠠᠷ ᠢᠶᠠᠨ ᠠᠯᠳᠠᠯᠠᠨ | ᠵᠤᠭᠰᠤᠵᠦ ᠪᠠᠶᠢᠭᠠ ᠰᠢᠨᠵᠢᠳᠠᠢ᠃ ᠦᠨᠳᠦᠷ ᠬᠠᠷ ᠠ ᠲᠤᠯᠤᠭᠠᠢ ᠲᠡᠭᠡᠷ ᠡ ᠬᠠᠷ ᠠ ᠴᠢᠯᠠᠭᠤ ᠪᠠᠷ ᠪᠤᠰᠬᠠᠭᠰᠠᠨ ᠨᠢᠬᠡ | ᠲᠤᠮᠤ ᠤᠪᠤᠭᠠ ᠲᠠᠢ᠂ ᠬᠤᠶᠠᠷ ᠲᠠᠯ ᠠ ᠶᠢᠨ ᠨᠠᠮᠬᠠᠨ ᠨᠢᠷᠤᠭᠤ ᠲᠡᠭᠡᠷ ᠡ ᠢᠵᠢᠯ ᠪᠠᠶᠢᠷᠢᠰᠢᠯ ᠢᠶᠠᠷ ᠪᠤᠰᠬᠠᠭᠰᠠᠨ | ᠭᠤᠷᠪᠠ ᠭᠤᠷᠪᠠᠨ ᠤᠪᠤᠭᠠ ᠲᠠᠢ᠃ ᠪᠢᠳᠡᠨ ᠲᠠᠢ ᠬᠠᠮᠳᠤ ᠤᠴᠢᠭᠰᠠᠨ ᠦᠪᠦᠷ ᠮᠤᠩᠭᠤᠯ ᠤᠨ ᠤᠳᠬ ᠠ | ᠤᠷᠠᠯᠢᠭ ᠤᠨ ᠬᠢᠨ ᠤ ᠬᠤᠯᠪᠤᠭᠠ ᠶᠢᠨ ᠲᠡᠳ᠋ ᠲᠡᠷᠢᠬᠦᠯᠡᠭᠴᠢ᠂ ᠲᠦᠷᠦ ᠶᠢᠨ ᠱᠠᠩᠨᠠᠯᠳᠤ ᠵᠤᠬᠢᠶᠠᠯᠴᠢ ᠮᠠᠨᠳᠤᠮᠤᠢ ᠠᠴᠠ | ᠤᠷᠤᠨ ᠤ ᠲᠧᠯᠸᠢᠰ ᠬᠤᠷᠢᠶ ᠠ ᠶᠢᠨ ᠰᠤᠷᠪᠤᠯᠵᠢᠯᠠᠭᠴᠢ ᠪᠠᠭᠠᠨᠠ ᠨᠦᠬᠦᠷ ᠲᠤ᠄ ︽ᠡᠨᠡ ᠦᠨᠳᠦᠷ ᠬᠠᠷ ᠠ | ᠲᠤᠯᠤᠭᠠᠢ ᠲᠡᠭᠡᠷ ᠡ ᠪᠠᠶᠢᠭᠠ ᠦᠨᠳᠦᠷ ᠬᠠᠷ ᠠ ᠤᠪᠤᠭᠠ ᠪᠤᠯ ᠤᠯᠠᠭᠠᠨᠴᠠᠪ ᠴᠢᠭᠤᠯᠭᠠᠨ ᠤ ᠴᠢᠭᠤᠯᠭᠠᠨ ᠤᠪᠤᠭᠠ᠂ | ᠪᠠᠷᠠᠭᠤᠨ ᠲᠠᠯ ᠠ ᠶᠢᠨ ᠨᠠᠮᠬᠠᠨ ᠨᠢᠷᠤᠭᠤ ᠲᠡᠭᠡᠷ ᠡ ᠪᠠᠶᠢᠭᠠ ᠭᠤᠷᠪᠠᠨ ᠤᠪᠤᠭᠠ ᠪᠤᠯ ᠤᠷᠠᠳ ᠤᠨ ᠭᠤᠷᠪᠠᠨ | ᠬᠦᠩ ᠤᠨ ᠬᠤᠰᠢᠭᠤ ᠤᠪᠤᠭᠠ᠂ ᠵᠡᠬᠦᠨ ᠲᠠᠯ ᠠ ᠶᠢᠨ ᠨᠠᠮᠬᠠᠨ ᠨᠢᠷᠤᠭᠤ ᠲᠡᠭᠡᠷ ᠡ ᠪᠠᠶᠢᠭᠠ ᠭᠤᠷᠪᠠᠨ ᠤᠪᠤᠭᠠ ᠪᠤᠯ | ᠲᠠᠷᠬᠠᠨ ᠪᠠᠶᠢᠯᠠ᠂ ᠲᠦᠷᠪᠡᠨ ᠭᠡᠤᠭᠡᠳ ᠤᠨ ᠠᠶᠢᠮᠠᠭ ᠤᠨ ᠬᠤᠰᠢᠭᠤ᠂ ᠮᠤᠤᠮᠢᠩᠭᠠᠨ ᠵᠡᠷᠭᠡ ᠭᠤᠷᠪᠠᠨ ᠬᠤᠰᠢᠭᠤᠨ ᠤ | ᠬᠤᠰᠢᠭᠤ ᠤᠪᠤᠭᠠ᠃ ᠲᠡᠷᠡ ᠵᠡᠬᠦᠨ ᠡᠮᠦᠨᠡ ᠬᠠᠷᠠᠭᠳᠠᠵᠦ ᠪᠠᠶᠢᠭᠠ ᠠᠯᠳᠠᠨ ᠬᠠᠷᠭᠠᠨᠠ ᠲᠠᠷᠢᠭᠰᠠᠨ ᠲᠠᠯ ᠠ ᠶᠢ | ᠵᠦᠯᠬᠡᠳᠦ ᠶᠢᠨ ᠲᠠᠯ ᠠ ᠭᠡᠳᠡᠭ ᠭᠡᠨᠡ᠃ ᠲᠡᠨᠳᠡ ᠮᠤᠷᠢ ᠤᠷᠤᠯᠳᠤᠳᠠᠭ ᠪᠠᠶᠢᠵᠠᠢ᠃ ᠦᠬᠦᠬᠡᠳᠦ ᠶᠢᠨ ᠨᠢᠷᠤᠭᠤ ᠠᠴᠠ | ᠠᠳᠡ ᠬᠦᠷᠳᠡᠯᠡᠬᠢ ᠬᠦᠨᠳᠡᠢ ᠳᠤ ᠡᠯ ᠡ ᠬᠤᠰᠢᠭᠤ ᠮᠤᠩᠭᠤᠯ ᠭᠡᠷ ᠢᠶᠠᠨ ᠪᠠᠷᠢᠳᠠᠭ ᠪᠠᠶᠢᠵᠠᠢ᠃ ᠲᠡᠷᠡ ᠪᠠᠷᠠᠭᠤᠨ | ᠡᠮᠦᠨᠡ ᠬᠢᠯᠠᠯᠵᠠᠵᠦ ᠪᠠᠶᠢᠭᠠ ᠭᠤᠤᠯ ᠪᠤᠯ ᠲᠠᠷᠤᠢ ᠤᠳᠤ ᠶᠢᠨ ᠪᠠᠶᠠᠬᠤᠪᠤᠭᠠ ᠭᠤᠤᠯ᠂ ᠤᠷᠢᠳᠤ ᠶᠢᠨ ᠤᠯᠠᠭᠠᠨᠴᠠᠪ | ᠭᠤᠤᠯ ᠪᠤᠯᠤᠨᠠ᠃ ᠡᠶᠢᠮᠦ ᠪᠤᠳᠠᠳᠠᠢ ᠭᠠᠵᠠᠷ ᠤᠷᠤᠨ ᠨᠢ ᠲᠤᠪ ᠲᠤᠳᠤᠷᠬᠠᠢ ᠪᠠᠶᠢᠭᠠ ᠪᠤᠯᠬᠤᠷ ᠶᠠᠷᠢᠶᠠᠨ ᠦᠬᠡᠢ | ᠤᠯᠠᠭᠠᠨᠴᠠᠪ ᠴᠢᠭᠤᠯᠭᠠᠨ ᠤ ᠴᠢᠭᠤᠯᠭᠠᠨ ᠴᠢᠭᠤᠯᠭᠠᠭᠰᠠᠨ ᠭᠠᠵᠠᠷ ᠨᠢ ᠵᠦᠪ ᠤᠨᠤᠪᠴᠢᠳᠠᠢ ᠭᠡᠷᠡᠴᠢᠯᠡᠭᠳᠡᠵᠦ ᠪᠠᠶᠢᠨᠠ᠂ | ᠴᠢᠭᠤᠯᠭᠠᠨ ᠤ ᠰᠤᠪᠤᠷᠭᠠ ᠨᠢ ᠵᠢᠷᠭᠤᠭᠠᠨ ᠮᠧᠲᠷ ᠦᠨᠳᠦᠷ ᠰᠢᠷᠡᠮᠦᠨ ᠲᠡᠮᠦᠷ ᠰᠤᠪᠤᠷᠭᠠ ᠪᠠᠶᠢᠵᠦ ᠬᠡᠨᠡ ᠪᠢᠯᠡ᠃ | ᠵᠢᠷᠭᠤᠭᠠᠨ ᠪᠦᠰᠡᠯᠡᠬᠦᠷ ᠲᠠᠢ ᠭᠤᠷᠪᠠᠯᠵᠢᠨ ᠬᠡᠯᠪᠡᠷᠢᠳᠡᠢ᠂ ᠶᠠᠭ ᠭᠤᠷᠪᠠᠳᠤᠭᠠᠷ ᠪᠦᠰᠡᠯᠡᠬᠦᠷ ᠲᠡᠭᠡᠷ ᠡ ᠨᠢ ᠵᠦᠪᠭᠡᠨ | ᠮᠤᠩᠭᠤᠯ ᠢᠶᠠᠷ ᠪᠦᠳᠦᠬᠦᠯᠢᠭ ᠪᠢᠴᠢᠭᠰᠡᠨ ︿ᠤᠯᠠᠭᠠᠨᠴᠠᠪ ᠴᠢᠭᠤᠯᠭᠠᠨ﹀ ᠭᠡᠳᠡᠭ ᠦᠰᠦᠭ ᠲᠠᠢ ᠪᠠᠶᠢᠵᠦ ᠬᠡᠨᠡ᠃ | ᠪᠤᠰᠤᠳ ᠮᠠᠨᠵᠦ᠂ ᠬᠢᠳᠡᠳ ᠦᠰᠦᠭ ᠪᠠᠶᠢᠭᠰᠠᠨ ᠡᠰᠡᠬᠦ ᠶᠢ ᠨᠢ ᠦᠵᠡᠭᠰᠡᠨ ᠬᠦᠮᠦᠨ ᠤᠳᠤᠬᠠᠨ ᠳᠠᠭᠠᠨ | ᠰᠤᠨᠤᠰᠳᠠᠭᠠᠳᠤᠢ ᠪᠠᠶᠢᠨᠠ︾ ᠭᠡᠵᠦ ᠲᠠᠨᠢᠯᠴᠠᠭᠤᠯᠤᠨ ᠶᠠᠷᠢᠵᠦ ᠪᠢᠯᠡ᠃ ᠡᠨᠡ ᠤᠳᠠᠭᠠᠨ ᠤ ᠭᠡᠭᠡᠷ ᠡ ᠶᠢᠨ | ᠪᠠᠶᠢᠴᠠᠭᠠᠯᠳᠠ ᠪᠠᠷ ᠤᠴᠢᠭᠰᠠᠨ ᠨᠢᠬᠡ ᠪᠦᠯᠦᠭ ᠬᠦᠮᠦᠰ ᠲᠤ ᠬᠤᠰᠢᠭᠤ ᠲᠡᠳ᠋ ᠲᠠᠷᠤᠭᠠ ᠭᠡ᠊ · ᠪᠤᠷᠤ᠂ ᠬᠤᠰᠢᠭᠤ | ᠨᠢᠬᠡᠳᠤᠮᠡᠯ ᠹᠷᠤᠨᠲ ᠤᠨ ᠲᠠᠷᠤᠭᠠ ᠵᠢᠷᠠᠨᠳᠠᠢ᠂ ᠬᠤᠰᠢᠭᠤ ᠰᠤᠶᠤᠯ ᠲᠧᠯᠸᠢᠰ ᠲᠤᠪᠴᠢᠶ ᠠ ᠶᠢᠨ ᠲᠠᠷᠤᠭᠠ ᠦ᠋ · | ᠶᠠᠷᠠᠨᠳᠠᠢ᠂ ᠬᠤᠰᠢᠭᠤ ᠲᠤᠳᠤᠭᠠᠳᠤ ᠶᠢ ᠬᠠᠮᠠᠭᠠᠯᠠᠬᠤ ᠲᠤᠪᠴᠢᠶᠠᠨ ᠤ ᠲᠡᠳ᠋ ᠲᠠᠷᠤᠭᠠ ᠬᠦᠷᠡᠯᠪᠡᠭᠠᠳᠤᠷ᠂ | ᠲᠢᠶᠠᠨᠵᠢᠨ ᠤ ᠬᠡᠳᠤᠨ ᠰᠡᠭᠡᠭᠡᠳᠡᠨ᠂ ᠬᠤᠰᠢᠭᠤ ᠤᠳᠬᠠ ᠤᠷᠠᠯᠢᠭ ᠤᠨ ᠬᠢᠨ ᠤ ᠲᠡᠳ᠋ ᠲᠡᠷᠢᠬᠦᠯᠡᠭᠴᠢ ᠨᠠ᠊ · ᠪᠠᠳᠤ ᠨᠠᠷ | ᠪᠠᠶᠢᠯᠴᠠᠪᠠ᠃ | | | ᠪᠠᠭᠤᠯᠭᠠᠭᠰᠠᠨ ᠨᠢ᠄ ᠡᠷᠳᠡᠨᠢᠴᠤᠭᠳᠤ | ᠬᠢᠨᠠᠭᠴᠢ᠄ ᠭᠡᠷᠡᠯᠳᠦ | | | | | | |